阿爺出招變相唔俾限售期滿D貨沽出街（要提前10幾個交易日發聲明，鬼知到時個市係點），不過大戶見招拆招，唔俾場內沽就場外大手上版（阿爺慣例直接市場沽，所以散戶好無辜）。星期一最大新聞非拆息抽高，人行打爆空倉莫非（擦鞋仔係咁講）；歷史往往換湯不換藥，97年亞洲金融風暴就係因為大馬同泰國外匯儲備少，經濟開始下行就成功俾人搞掂，最後連日本，南韓呢D健全國家都拖埋落水。呢頭話完阿爺外儲緊張，即時就出戰匯市，重要力拓1,000點子，外儲用左幾多就只有當事人先知，但肯定係外儲用到差不多， 97事件好大可能重演（有人話泰國同大馬財力無得同阿爺比，唔好唔記得人地熱錢個數都無得比）。剛剛阿爺做左個突破，買入離岸人民幣撐匯率，好多人話高手出招；我就話行錯左第一步，諗下而家人民幣重未完全自由兌換，又有外匯管制，只要管好在岸價，再加行政手段，放棄離岸市場（不到非不得已不出手，郁D就出手，邊有咁多籌碼頂），先把內部問題處理好再出戰境外，咁先可以穩中求勝，起碼阿爺重未做到轉移國內焦點去海外呢個功力。人仔急跌抽左日元上去，但匯率企穩後D錢都唔走翻出去，唔通重有一輪？而家最擔心就係空軍一試就知道國家隊套路，下次人地加大力度頂唔頂得住又係問題。大膽假設空軍下次郁手會趁黃曆新年期間。
美國12月非農數據出奇地好，3月再加息已經差不多大局已定，因為要數據突然大幅轉壞唔係唔得，但大選年搞呢D，搏唔撈咩!數據太好就帶出另一個問題，到底３月加近期從外國財經網站上看到的情況係美聯儲不停的從市場抽水導致美元供應緊張，間接抽高拆息支持美匯走強。沙特為左更多籌碼同伊朗講數，宣佈不會放棄美元為結算貨幣（實行貨幣政策黐住美國），又俾美元打支強心針，估計美匯指數好快重回100以上。
今期主角百麗國際1880，業務一直用百貨公司店中店模式，上市後併購左包括美麗寶和妙麗幾個品牌，旗下店舖超過13,000間，全是直營店。隨住近年電商崛起，消費模式改變，百麗間接造成業績表現不理想；還好購物中心在一線城市的興起，在二、三線城市發展還屬起步階段，日後可以提供集團更大發展空間。但目前國內購物中心偏好消費類的店舖，除知名品牌以外的零售類店舖佔比相當低，所以發展步伐或會受拖慢；再加上固定租金模式亦造成經營成本的高企。在成本控制上面，和其它快銷品牌一樣採用補貨制模式，減少左倉存同死貨出現。至於運動品牌代理業務因為受客觀環境因素影響有D虛高，但運動行業復甦好於預期係事實。普通派息的目標比率是60%。香港百麗品牌店主要目的係做形象，所以百麗品牌退出不會影響思加圖，妙麗呢D品牌的經營發展。至於公司收購品牌巴羅克能在短時間有績效，當中有好多巧合因素，不應過份樂觀。考慮到匯兌風險同業務主要在國內，現價有貨沽貨，合理價4.0。
下星期講隻中國生物製藥1177
讀者有任何交流的，可以發電郵至 fundsniper@yeah.net，大家多作交流。（ 以上觀點僅為個人對市場的看法，並非任何投資勸誘或建議。）◇
----------------------
🎯 專題：中共海外升級攻擊法輪功
https://hk.epochtimes.com/category/專題/中共海外升級攻擊法輪功
----------------------
【不忘初衷 延續真相】
📰周末版復印 支持購買👇🏻
http://epochtimeshk.org/stores
🔔下載大紀元App 接收即時新聞通知
🍎iOS：https://bit.ly/epochhkios
🤖Android：https://bit.ly/epochhkand
